ᐅᖃᐅᓯᓕᕆᓂᖅ

Language Nest

ᒥᑭᔫᑎᓪᓗᒋᑦ ᓱᕈᓰᑦ ᐱᒻᒪᕆᐅᔪᖅ ᐱᕙᓪᓕᐊᓂᖓᓐᓄᑦ ᐃᓱᒪᖏᑦ ᐊᒻᒪᓗ ᐃᓅᖃᑎᒌᖕᓂᕐᒧᑦ ᐊᔪᙱᓐᓂᕐᓄᑦ, ᐊᒻᒪᓗ ᐱᖅᖁᓯᒃᑯᑦ ᐊᒻᒪᓗ ᓇᖕᒥᓂᕐᒧᑦ ᑭᓇᐅᓂᖏᓐᓄᑦ. ᐅᖃᐅᓯᓕᕆᓂᖅ ᐱᑦᑕᐅᔪᖅ ᐃᓂᐅᑉᓗᓂ ᐱᕈᖅᐸᓪᓕᐊᓂᕐᒧᑦ ᐊᒻᒪᓗ ᑲᒪᔭᖃᖅᑐᖅ ᑕᒪᒃᑯᓂᙵᑦ ᓱᕈᓯᐅᑉ ᐱᕙᓪᓕᐊᓂᖓᓄᑦ.

ᐅᖃᐅᓯᓕᕆᓂᖅ ᑐᓂᓯᖃᑦᑕᖅᑐᖅ ᐊᑑᑎᖃᖅᑐᒥᒃ ᐅᖃᐅᓯᕐᒥᒃ ᐆᒻᒪᖅᑎᑦᑎᒃᑲᓐᓂᕐᓂᕐᒧᑦ ᐊᒻᒪᓗ ᐱᕕᖃᖅᑎᑦᑎᑉᓗᓂ ᐱᕈᖅᓴᕐᓗᒋᑦ ᓱᕈᓰᑦ ᓴᙱᔪᒥᒃ ᑭᓇᐅᓂᕐᒥᒃ ᐊᒻᒪᓗ ᐱᖅᖁᓯᖓᓐᓄᑦ ᑐᙵᕕᖕᒥᑦ ᐃᑲᔪᕐᓂᐊᖅᑐᒥᒃ ᓯᕗᓂᒃᓴᖏᓐᓂᒃ ᐱᐊᓂᑦᑎᐊᖅᓯᒪᓂᕐᒧᑦ.

ᐅᖃᐅᓯᓕᕆᓂᖅᐳᑦ ᑐᕌᖓᔪᖅ ᐅᑭᐅᓕᖕᓄᑦ (0-ᒥᑦ 5-ᒧᑦ) ᐊᒻᒪᓗ ᐊᑕᐅᓯᖅ ᐊᖓᔪᖅᖄᖅ ᑲᒪᔨᓘᓐᓃᑦ. ᓱᕈᓰᑦ ᐱᖃᑎᖃᖃᑦᑕᖅᑐᑦ ᐃᓐᓇᐅᓂᖅᓴᐅᔪᓂᒃ ᐃᓄᒃᑎᑐᑦ ᐅᖃᓪᓚᖃᑦᑕᖅᑐᓂᒃ ᑕᒪᐃᓐᓂᑦ ᐋᖅᕿᐅᒪᓂᖃᙱᑦᑐᒃᑯᑦ ᐊᒻᒪᓗ ᐋᖅᕿᐅᒪᓂᖃᖅᑐᒃᑯᑦ ᕿᑎᖕᓂᒃᑯᑦ. ᐃᓄᒃᑎᑐᑐᐃᓐᓇᖅ ᐅᖃᓪᓚᖃᑦᑕᖅᑐᑦ ᓱᕈᓰᑦ ᐃᓄᒃᑎᑑᖅᑐᒥᒃ ᐊᕙᓗᔭᐅᓯᒪᓂᐊᕐᒪᑕ ᑕᐃᑲᓃᓐᓂᓗᒃᑖᖏᓐᓂᑦ.

ᑐᕌᖓᔫᑉ ᐃᓗᓕᖏᑦ

ᐊᑐᓂ ᐱᓇᓱᐊᕈᓯᑕᒫᑦ ᐊᔾᔨᒌᙱᑦᑐᓂᒃ ᐱᔾᔪᑕᐅᔪᓂᒃ ᐱᖃᖃᑦᑕᖅᑐᑦ ᓲᕐᓗ ᐅᑭᐅᖅᑕᖅᑐᒥᑦ ᓂᕐᔪᑎᓂᒃ, ᑲᓚᓂᒃ, ᓈᓴᐅᑎᓂᒃ, ᐱᖁᑎᓂᒃ ᐊᖏᕐᕋᒥᑦ ᑕᐃᒪᐅᔪᓂᒃ, ᑕᒪᒃᑯᓂᙵᕋᓗᒃ.

ᐃᓄᐃᑦ ᓂᕿᖏᓐᓂᒃ ᑕᒧᐊᔭᒃᓴᖃᖅᑎᑕᐅᖃᑦᑕᖅᑐᑦ ᐊᓯᖏᓪᓗ ᓂᕿᑦᑎᐊᕙᖕᓂᑦ.

ᓱᕈᓰᑦ ᐊᖓᔪᖅᖄᖏᓪᓗ ᐃᓕᑦᑎᓂᐊᖅᑐᑦ ᐊᔾᔨᒌᙱᑦᑐᓂᒃ ᐃᒻᖏᐅᑎᓂᒃ ᐊᒻᒪᓗ ᐅᓂᑉᑳᓂᒃ ᐃᓄᐃᑦ ᐃᓅᓯᖏᑦᑕ ᒥᒃᓵᓄᑦ. ᓱᕈᓰᑦ ᖁᕕᐊᒋᑦᑎᐊᖅᑕᖓ ᐃᒻᖏᕐᓂᖅ ᐊᒻᒪᓗ ᐅᖃᐅᓯᐅᑉ ᐅᖃᖅᑕᐅᓂᖓᓂᒃ ᐱᖃᑦᑕᖅᖢᑎᒃ ᐊᒻᒪᓗ ᐃᖅᖃᐅᒪᔪᖕᓇᕐᓂᖅᓴᐅᖃᑦᑕᖅᖢᑎᒃ ᓄᑖᓂᒃ ᐅᖃᐅᓯᕐᓂᑦ ᑕᐃᒪᓐᓇ.

ᐊᑐᖃᑦᑕᕐᒥᔪᒍᑦ ᐱᖅᖁᓯᕆᔭᐅᔪᒃᑯᑦ ᕿᓚᐅᔾᔭᕐᓂᕐᒥᒃ ᐊᒻᒪᓗ ᒧᒥᕐᓂᕐᒥᒃ ᐊᑐᖅᖢᒋᑦ ᐃᓕᓐᓂᐊᖅᑎᑦᑎᓂᕐᒧᑦ ᐃᓄᒃᑎᑐᑦ ᐅᖃᐅᓯᕐᒥᑦ.

ᐃᓚᓕᐅᑎᖃᑦᑕᕐᒥᔭᕗᑦ ᓄᑖᑦ ᐊᑐᖅᑕᐅᕙᒃᑐᑦ ᓲᕐᓗ ᖃᕆᑕᐅᔭᐃᑦ ᐅᖃᐅᓯᓕᕆᓂᕐᒧᑦ. ᐊᑐᓂ ᓱᕈᓰᑦ ᑐᓂᔭᐅᖃᑦᑕᖅᑐᑦ ᖃᕆᑕᐅᔭᕋᓛᓂᒃ ᐊᑐᕐᓂᐊᖅᑕᖏᓐᓂᒃ ᐃᓄᒃᑎᑐᑦ ᐅᖃᐅᓯᕐᒥᒃ ᐊᑐᕈᑎᖃᖅᖢᑎᒃ ᓱᕈᓯᕐᓄᑦ ᑐᕌᖓᔪᓂᒃ ᐃᓕᔭᐅᓯᒪᕙᒌᖅᖢᑎᒃ.

ᑐᕌᖓᔪᑦ ᖃᖓᒃᑰᖓᓂᖏᑦ

ᐅᖃᐅᓯᓕᕆᓂᖅ ᐅᒃᑯᐃᖔᖃᑦᑕᖅᑐᖅ ᑕᓪᓕᒪᐃᑦ ᐅᑉᓗᓂ ᐱᓇᓱᐊᕈᓯᐅᑉ ᐃᓗᐊᓂᑦ, ᒪᓐᑎᒥᑦ ᑕᓪᓕᒫᓄᑦ 10:00-ᒥᑦ ᐅᑉᓛᒃᑯᑦ 2:30-ᒧᑦ ᐅᓐᓂᒃᓴᒃᑯᑦ.

ᐃᖏᕐᕋᔾᔪᑎ ᒪᓂᒪᔪᑦ. ᐅᖃᓗᒡᓗᑎᑦ ᐅᕗᖓ 1-204-416-8910 ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑎ.