ᐃᓕᓐᓂᐊᕐᓃᑦ ᑐᓂᓯᖃᑦᑕᖅᑐᑦ ᐃᓚᐅᖃᑕᐅᔪᓂᒃ ᐅᖃᓪᓚᖕᓂᕐᒥᒃ ᐊᒻᒪᓗ ᐃᓕᑦᑎᓗᑎᒃ ᐃᓄᒃᑎᑐᑦ ᐅᓗᕆᐊᓇᖅᑐᖃᙱᑦᑐᒃᑯᑦ ᐊᒻᒪᓗ ᖁᕕᐊᒋᔭᐅᔪᒃᑯᑦ, ᖁᕕᐊᓲᑎᒋᓗᒍ ᐃᓄᒃᑎᑐᑦ ᐅᖃᐅᓯᖅ ᐊᒻᒪᓗ ᐱᖅᖁᓯᕆᔭᐅᔪᖅ, ᐊᒻᒪᓗ ᓴᖅᕿᔮᖅᑎᓪᓗᒍ ᐊᑐᖅᑕᐅᓂᖓ ᐃᓄᒃᑎᑐᑦ ᐅᐃᓂᐲᒡᒥᑦ.
ᐱᓇᓱᐊᕈᓯᑕᒫᒃᑯᑦ ᐃᓕᓐᓂᐊᖃᑦᑕᖅᑐᑦ ᐊᑑᑎᖃᖅᑐᒥᒃ ᐅᖃᐅᓯᕐᒥᒃ ᐆᒻᒪᖅᑎᑦᑎᒃᑲᓐᓂᕐᓂᕐᒧᑦ ᐊᒻᒪᓗ ᐱᕕᖃᖅᑎᑦᑎᑉᓗᓂ ᓴᙱᒃᑎᓐᓂᐊᕐᓗᒍ ᑭᓇᐅᓂᕐᒥᒃ ᐊᒻᒪᓗ ᐱᖅᖁᓯᖓᓐᓄᑦ ᑐᙵᕕᖕᒥᑦ ᐃᑲᔪᕐᓂᐊᖅᑐᒥᒃ ᓯᕗᓂᒃᓴᖏᓐᓂᒃ ᐱᐊᓂᑦᑎᐊᖅᓯᒪᓂᕐᒧᑦ ᐃᓅᖃᑎᕗᑦ.
ᐃᓕᓐᓂᐊᖃᑦᑕᖅᑐᑦ ᐱᕝᕕᐅᔪᖕᓇᖅᑐᒥᒃ ᐃᓂᐅᔪᒥᑦ ᐊᒻᒪᓗ ᐊᐅᔭᐅᑉ ᑕᖅᕿᖏᓐᓂᑦ, ᐃᒡᓗ ᑐᐱᑉᑎᖕᓂᑦ.
ᐃᓕᓐᓂᐊᕐᓂᖅ ᐅᒃᑯᐃᖓᔪᖅ ᑭᑐᑐᐃᓐᓇᕐᓄᑦ ᐊᒻᒪᓗ ᐅᑭᐅᓗᒃᑖᓄᑦ ᐃᓄᒃᑎᑐᑦ ᐅᖃᓪᓚᒋᐅᖅᓴᔪᒪᔪᓄᑦ.
ᐊᑐᓂ ᐱᓇᓱᐊᕈᓯᑕᒫᑦ ᐃᓕᓐᓂᐊᖅᑎᑦᑎᔨ ᓴᖅᕿᑦᑎᖃᑦᑕᖅᑐᖅ ᓄᑖᒥᒃ ᐱᔾᔪᑕᐅᔪᓂᒃ ᐊᒻᒪᓗ ᐅᖃᐅᓯᕐᓂᒃ ᐱᔾᔪᑎᖃᖅᑐᓂᒃ ᐱᔾᔪᑕᐅᔪᒧᑦ. ᐃᓕᓐᓂᐊᕐᓂᕐᒥᑦ ᐃᓚᐅᔪᑦ ᖃᓄᐃᓕᐅᖅᑎᑕᐅᓃᑦ/ᕿᑎᒃᑎᑕᐅᓃᑦ (ᐃᓛᓐᓂᒃᑯᑦ ᖃᕆᑕᐅᔭᒃᑯᑦ), ᓯᓚᒥᑦ ᖃᓄᐃᓕᐅᖅᑎᑕᐅᓃᑦ, ᐊᒻᒪᓗ ᐊᑕᐅᓯᖅ ᐃᑲᕐᕋᒥᑦ ᖃᕆᐊᕐᒥᑦ ᒪᕐᕉᒃ ᐱᓇᓱᐊᕈᑎᑕᒫᑦ ᐃᓐᓇᕆᔭᐅᔪᒧᑦ. ᐅᓂᑉᑳᕐᓂᒃᑯᑦ ᐊᒻᒪᓗ ᐃᒻᖏᕐᓂᒃᑯᑦ, ᐃᓐᓇᕆᔭᐅᔪᖅ ᑕᑯᒃᓴᐅᑎᑦᑎᖃᑦᑕᖅᑐᖅ ᐱᔾᔪᑕᐅᔪᒥᒃ ᐊᑐᖅᑕᐅᔪᒥᒃ ᑕᐃᑲᓂ ᐱᓇᓱᐊᕈᓯᕐᒥᑦ.
ᐊᑐᓂ ᐱᓇᓱᐊᕈᓯᑕᒫᑦ, ᐃᓚᐅᖃᑕᐅᔪᑦ ᐊᓕᓚᔪᓂᒃ ᐅᖃᐅᓯᖃᖅᑐᓂᒃ ᐃᓄᒃᑎᑐᑦ ᐱᑎᑕᐅᖃᑦᑕᖅᑐᑦ ᐆᒃᑐᕋᕈᖕᓇᕐᓂᐊᖅᑕᖏᓐᓂᒃ ᐊᐃᓯᒪᓗᑎᒃ. ᐊᓕᓚᔪᐃᑦ ᐊᔾᔨᖃᖅᖢᑎᒃ ᐱᔾᔪᑕᐅᔪᒧᑦ ᐱᓇᓱᐊᕈᓯᕐᒥᑦ. (ᐆᒃᑑᑎᒋᓗᒍ: ᐱᔾᔪᑕᐅᔪᖅ ᐱᓇᓱᐊᕈᓯᕐᒥᑦ ᐅᑭᐅᖅᑕᖅᑐᒥᑦ ᓂᕐᔪᑎᐅᔪᖅ. ᐃᓚᐅᖃᑕᐅᔪᑦ ᐊᓕᓚᔪᕐᓂᒃ ᐊᖏᕐᕋᐅᔾᔨᓗᑎᒃ ᐊᑎᖃᖅᖢᑎᒃ ᐃᓄᒃᑎᑐᑦ ᓂᕐᔪᑎᐅᑉ ᐊᑎᖓᓂᑦ, ᐃᓄᒃᑎᑐᑦ ᑎᑎᕋᖅᓯᒪᑉᓗᓂᒃ ᐊᒻᒪᓗ ᑎᑎᕋᐅᓯᖅ ᓂᕐᔪᑎᐅᑉ ᐊᔾᔨᖓᑕ ᐊᑖᓃᖦᖢᓂ).