ᒪᓕᒐᐃᑦ ᐊᑐᖃᑦᑕᖅᑐᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪᓗ ᑐᕌᒐᖃᖅᑐᑦ ᐃᓚᐅᑎᓐᓂᐊᕐᓗᒋᑦ ᐱᖅᖁᓯᒃᑯᑦ ᐃᓄᐃᑦ ᖃᐅᔨᒪᓂᕆᔭᖏᑦ ᐅᑉᓗᒥᐅᔪᒧᑦ, ᖃᐅᑕᒫᑦ ᐊᑐᖅᑕᐅᖃᑦᑕᖅᑐᓄᑦ.
ᐃᓅᖃᑎᒌᑦᓯᐊᕐᓂᖅ ᒪᓕᒃᑕᐅᖃᑦᑕᖅᑐᑦ ᐅᕙᑉᑎᖕᓄᑦ ᐃᒃᐱᒍᓱᒡᕕᖃᕐᓂᐊᕐᓗᑕ ᐊᓯᖏᓐᓂᒃ ᐃᓄᖕᓂᒃ ᐊᒻᒪᓗ ᐱᓕᕆᖃᑎᒌᖕᓂᕆᔭᕗᑦ ᐊᑕᐅᑦᑎᒃᑯᑦ ᑕᒪᑉᑕᓗᒃᑖᖅ ᐃᓅᖃᑎᒌᑦᑎᐊᕐᓂᐊᕐᓗᑕ. ᐱᓕᕆᐊᕆᓂᐊᖅᑕᕗᑦ ᐱᔾᔪᑕᐅᔪᑦ ᐊᑐᖅᑕᐅᖃᑦᑕᖅᑐᑦ ᓄᓇᓕᐸᐅᔭᕐᒦᑦᑐᓄᑦ ᐃᓅᔪᓄᑦ ᐃᒃᐱᒍᓱᒡᕕᖃᖅᑐᒃᑯᑦ ᐱᓕᕆᖃᑎᒋᖃᑦᑕᖅᑕᓗᒃᑖᑉᑎᖕᓂᑦ.
ᑐᙵᓇᕐᓂᖅ ᑕᑯᒃᓴᐅᑎᑦᑎᔪᖅ ᐱᓕᕆᐊᕐᒥᒃ ᐅᒃᑯᐃᖓᓗᓂ, ᑐᙵᓇᕐᓗᓂ ᐊᒻᒪᓗ ᐃᓚᐅᑎᑦᑎᓗᒃᑖᕐᓂᕐᒥᒃ ᐊᑐᖃᑦᑕᖅᑐᑦ ᐱᑦᑕᐅᔪᒥᒃ ᐱᓕᕆᖃᑎᒌᖕᓂᐅᔪᓄᑦ. ᐱᓕᕆᐊᖃᕐᓂᐊᖅᑐᒍᑦ ᐱᕕᖃᖃᑎᒋᓗᒋᑦ ᐃᓄᐃᑦ, ᐅᕙᑉᑎᖕᓂᑦ ᒪᓂᒪᑎᓪᓗᑕ ᐊᒻᒪᓗ ᓴᖅᕿᔮᖅᑎᑦᑎᓗᑕ ᐊᕙᑎᒥᒃ ᑕᒪᕐᒥᓗᒃᑖᑦ ᓄᓇᓕᐸᐅᔭᕐᒦᑦᑐᑦ ᐃᓄᐃᑦ ᑐᙵᓱᖕᓂᐊᕐᓗᑎᒃ ᐃᑲᔪᖅᑕᐅᔪᒪᑎᓪᓗᒋᑦ. ᐱᓕᕆᕝᕕᒃᐳᑦ ᕿᓂᕐᒥᔪᖅ ᐃᓚᐅᑎᑦᑎᓗᒃᑖᕐᓂᕐᒥᒃ ᑲᔪᓯᔪᒃᑯᑦ ᐊᒻᒪᓗ ᐅᒃᑯᐃᖓᔪᒃᑯᑦ ᑐᓴᐅᒪᖃᑦᑕᐅᑎᓗᒋᑦ ᐃᓚᒋᔭᐅᔪᑦ ᐊᒻᒪᓗ ᑭᑐᑐᐃᓐᓇᐃᑦ.
ᐱᔨᑦᓯᕐᓂᖅ ᐱᔾᔪᑎᖃᖅᑐᖅ ᐱᔨᑦᑎᕋᐃᓂᕐᒥᒃ ᐊᒻᒪᓗ ᑐᓂᓯᓂᕐᒥᒃ ᖃᑕᙳᑎᒌᓄᑦ ᐊᒻᒪᓗ ᓄᓇᖅᖃᑎᒌᓄᑦ. ᓯᕗᓕᐅᖅᑎᐅᓂᕐᒥᒃ ᐱᔾᔪᑎᖃᖅᑐᖅ ᐱᔾᔪᑎᓗᒋᑦ ᐊᓯᖏᑦ ᐃᓄᐃᑦ. ᐱᔾᔪᑎᖃᖅᑐᖅ ᐱᔨᑦᑎᕋᐃᓂᕐᒥᒃ ᐊᓯᖏᓐᓂᒃ ᐃᓄᖕᓂᑦ ᐱᑦᑕᐅᓂᖅᓴᒥᒃ ᐱᑕᖃᕐᓂᐊᕐᓗᓂ. ᑕᒡᕙᐅᔪᒍᑦ ᐱᔨᑦᑎᕐᓂᐊᕐᓗᒋᑦ ᓄᓇᓕᐸᐅᔭᕐᒦᑦᑐᑦ ᐃᓄᐃᑦ. ᑕᐃᒪᓐᓇᐃᖃᑦᑕᖅᑐᒍᑦ ᐋᖅᕿᒃᓯᓂᖃᖅᑐᒥᒃ ᐱᑦᑕᐅᔪᒥᒃ ᐱᔨᑦᑎᕋᐃᓂᕐᒧᑦ.
ᐱᓕᒻᒪᒃᓴᕐᓂᖅ ᐱᔾᔪᑎᖃᖅᑐᖅ ᐃᓕᑦᑎᓂᕐᒥᒃ ᐊᒻᒪᓗ ᐊᔪᕈᖕᓃᕐᓗᒋᑦ ᓄᑖᑦ ᐊᔪᙱᓐᓂᐅᔪᑦ ᑕᐅᑐᒡᓗᓂ, ᐅᖃᐅᔾᔨᖃᑦᑕᕐᓂᒃᑯᑦ, ᐊᑐᕐᓂᒃᑯᑦ ᐊᒻᒪᓗ ᐱᓇᓱᖕᓂᒃᑯᑦ. ᕿᓃᓐᓇᕐᓂᐊᖅᑐᒍᑦ ᐱᕕᖃᕐᓂᐅᔪᓂᒃ ᐃᑲᔪᖅᑐᕐᓗᒋᑦ ᓄᓇᓕᐸᐅᔭᕐᒦᑦᑐᓂᒃ ᐃᓄᖕᓂᒃ ᓄᑕᓃᒃ ᐊᔪᙱᓐᓂᖅᑖᕐᓂᐊᕐᓗᑎᒃ.
ᐋᔩᖃᑎᒌᓐᓂᖅ ᑐᑭᖃᖅᑐᖅ ᐃᓱᒪᓕᐅᕆᓗᓂ ᐅᖃᓪᓗᕆᒃᓴᐅᑎᓂᒃᑯᑦ ᐊᒻᒪᓗ ᐊᖏᖃᑎᒌᖕᓂᒃᑯᑦ. ᓄᓇᓕᐸᐅᔭᕐᒦᑦᑐᑦ ᐃᓄᐃᑦ ᐃᑲᔪᖃᑦᑕᖅᑐᑦ ᐃᓱᒪᓕᐅᕆᓂᕆᔭᑉᑎᖕᓂᑦ. ᐱᓕᕆᕝᕕᒃᐳᑦ ᐃᓄᖕᓂᒃ ᐃᓚᐅᑎᑦᑎᓂᐊᖅᑐᖅ ᐱᓕᕆᓂᕆᔭᑉᑎᖕᓂᑦ.
ᐱᒻᒪᕆᐅᒋᔭᐅᔪᖅ ᐱᔾᔪᑎᖃᖅᑐᖅ ᐊᑕᐅᑦᑎᒃᑯᑦ ᐱᓕᕆᖃᑎᒌᒡᓗᓂ ᐊᑕᐅᓯᕐᒧᑦ ᐊᑐᖅᑕᐅᒐᔪᒃᑐᒧᑦ. ᐱᓕᕆᕝᕕᒃᐳᑦ ᐃᓕᑕᖅᓯᔪᖅ ᐊᒥᓱᓂᒃ ᐱᓕᕆᖃᑎᒌᒃᑐᓂᒃ ᐱᑕᖃᐅᕐᒪᑦ ᐊᒻᒪᓗ ᑲᒪᔭᖃᖅᑐᓂᒃ ᖃᓄᐃᖏᑦᑎᐊᕐᓂᖏᓐᓄᑦ ᐃᓄᐃᑦ ᓄᓇᓕᐸᐅᔭᒦᑦᑐᓂᒃ. ᑐᓵᓂᐊᖅᑐᒍᑦ ᐊᒻᒪᓗ ᓈᓚᒡᓗᒋ ᐊᓯᐊᒎᖄᖅᑐᓂᒃ ᑕᐅᑐᒐᐅᔪᓂᒃ. ᐃᓕᑕᖅᓯᖕᒥᔪᒍᑦ ᐱᒻᒪᕆᐅᓂᖓᑕ ᑐᓴᐅᒪᖃᑦᑕᐅᑎᓂᖅ ᑭᑐᑐᐃᓐᓇᓂᒃ, ᐱᓕᕆᖃᑎᒋᓗᐊᖅᑕᑉᑎᖕᓂᑦ ᐊᒻᒪᓗ ᐃᓚᒋᔭᐅᖃᑕᐅᔪᓂᒃ ᐱᕈᐃᑎᑦᑎᓂᐊᕐᓗᑕ ᐊᑕᐅᓯᕐᒧᑦ ᐱᔾᔪᑕᐅᔪᒥᒃ.
ᐃᓄᐃᑦ ᐱᒻᒪᕆᐅᒋᑦᑎᐊᖅᑕᖓ ᖃᓄᖅᑑᕐᓂᖅ, ᐅᕝᕙᓘᓐᓃᑦ ᓄᑖᓂᒃ ᐃᓱᒪᒋᔭᖃᕐᓂᖅ ᐊᒻᒪᓗ ᐃᑲᔪᕈᖕᓇᕐᓗᓂ. ᑎᒍᒥᐊᖅᑕᕗᑦ ᖃᓄᖅᑑᕐᓂᖅ ᐃᓱᒪᒋᓂᐊᕐᓗᑎᒍᑦ ᑕᒪᓗᒃᑖᕐᒥᒃ ᐋᖅᕿᒃᓯᓂᐅᔪᑦ ᐱᔾᔪᑕᐅᔪᑦ ᐊᒃᑐᖅᓯᓂᖃᖅᑐᑦ ᐃᓅᖃᑎᒌᑉᑎᖕᓂᑦ. ᐊᑐᖃᑦᑕᕐᓂᐊᖅᑐᒍᑦ ᐊᓯᐊᒍᖔᖅ ᐃᖢᐃᓗᑕᓂᒃ-ᐋᖅᕿᒃᓯᓂᐅᔪᓂᒃ ᐊᒻᒪᓗ ᓴᓂᐊᒍᑦ ᐃᓱᒪᒋᔭᖃᕐᓂᕐᒥᒃ. ᐋᖅᕿᐅᒪᔪᖅ ᑭᒡᒐᖅᑐᐃᓂᕐᒧᑦ ᐱᓕᕆᐊᕗᑦ ᐅᕙᑉᑎᖕᓂᑦ ᐱᕕᖃᖅᑎᑦᑎᖕᒥᔪᖅ ᓄᑖᖑᔪᓂᒃ ᐃᒪᓐᓈᖅᑐᐃᓂᐊᕐᓗᑕ. ᑕᐃᒪᓐᓇᐃᑦᑐᑦ ᐃᒪᓐᓈᖅᑐᐃᓃᑦ ᐱᐅᓯᒋᐊᖅᓯᔪᖕᓇᖅᑐᑦ ᖃᓄᐃᖏᑦᑎᐊᕐᓂᖏᓐᓂᒃ ᓄᓇᖅᖃᑎᒌᖕᓂᕗᑦ ᐃᓗᐃᑦᑑᖓᔫᑉᓗᓂ.
ᐊᕙᑎᑦᑎᓐᓂᒃ ᐱᔾᔪᑎᖃᖅᑐᖅ ᐃᒃᐱᒍᓱᒡᕕᖃᕐᓂᕐᒥᒃ ᐊᒻᒪᓗ ᑲᒪᓂᕐᒥᒃ ᓄᓇᒥᑦ, ᓂᕐᔪᑎᓂᒃ ᐊᒻᒪᓗ ᐊᕙᑎᒥᒃ. ᐃᓄᐃᑦ ᖁᕕᐊᒋᔭᖃᖅᑐᑦ ᐊᑯᓂ ᐊᑐᖃᑦᑕᖅᓯᒪᔭᖏᓐᓂᒃ ᐱᓕᕆᖃᑎᒌᖕᓂᖃᕐᓂᖅ ᓄᓇᒥᑦ. ᐱᓕᕆᕝᕕᕗᑦ ᐃᓕᑕᖅᓯᔪᖅ ᐃᑲᔫᑎᓂᒃ ᐱᓕᕆᖃᑎᒌᖕᓂᕆᔭᖏᓐᓂᒃ ᐃᓄᖕᓄᑦ ᐅᑉᓗᒥᐅᔪᖅ. ᐃᑲᔪᕐᓂᐊᖅᑕᕗᑦ ᐃᓚᒋᔭᐅᔪᑦ ᐱᓇᓱᖕᓂᕆᔭᖏᓐᓂᑦ ᑕᐃᒪᓐᓇᐃᑏᓐᓇᕐᓂᐊᕐᓗᒍ ᑕᒪᓐᓇ. ᐱᓕᕆᕝᕕᕗᑦ ᐊᑐᖃᑦᑕᕐᓂᐊᕐᒥᔪᖅ ᐊᕙᑎᒧᑦ-ᐱᑦᑕᐅᔪᓂᒃ ᐊᑐᖅᑕᐅᖃᑦᑕᖅᑐᓂᒃ. ᐅᒃᐱᕈᓱᒃᑐᒍᑦ ᐃᒃᐱᒍᓱᒡᕕᒋᓗᒍ ᐊᕙᑎ ᐅᑉᓗᒥᐅᔪᖅ, ᑕᑯᒃᓴᐅᑎᑦᑎᔪᖅ ᐃᒃᐱᒍᓱᒡᕕᖃᕐᓂᕐᒥᒃ ᓯᕗᓂᒃᓴᒥᑦ ᑭᖑᕚᕆᔭᐅᓂᐊᖅᑐᓄᑦ.